Psa 26 | JAE | STEP | O Apômtau, nêm mêtôc êwaka aê sa gebe gawê biŋ ŋakaiŋ teŋ atom gebe aê kasa ŋoc lêŋ laŋôcnêm sawageŋ to taêc kêka aôm ŋaŋêŋgeŋ.

Psalms 26

PESALEM 26

Ŋac mansaŋ teŋ nê mec

1 O Apômtau, nêm mêtôc êwaka aê sa gebe gawê biŋ ŋakaiŋ teŋ atom gebe aê kasa ŋoc lêŋ laŋôcnêm sawageŋ
to taêc kêka aôm ŋaŋêŋgeŋ.
2 O Apômtau, ônsaê aê ma ôjala aê.
Ômbêlêm ŋoc ŋalêlôm e ômbi lêtêŋ.
3 Gebe nêm têmtac gêwiŋ teŋgeŋŋa gêjac aê matoc su gedeŋ tôŋgeŋ
ma kasa nêm lêŋ ŋaŋêŋ ŋapaŋ.

4 Aê gaŋgôŋ gawiŋ lau kesowaga atom.
Ma gajac biŋ ôkwi gêdêŋ kalomtêna atom.
5 Aê gadec secwaganêŋ sêkac tauŋ saŋa
to gajac jaê lau geowaga.

6 O Apômtau, aê kakwasiŋ lemoc ŋabiŋ masigeŋ.
Ma kasêlêŋ kagi nêm altar amboac tonaŋgeŋ tec gamoa.
7 Gebe janam daŋge aôm ŋa aoc kapôêŋ
Ma jasôm aômnêm gêŋsêga samob ŋawae lasê.

8 O Apômtau, aê têtac gêwiŋ nêm andu ŋamala,
gamêŋ taŋ nêm ŋawasi gêjam auc naŋ.
9 Ôtiŋ ŋoc katuc siŋ êwiŋ lau secwaga nêŋ atom.
Ma ôlic ênaŋa êwiŋ lau-sêjac-ŋamalac-ênduwaga nêŋ atom.
10 Lau tonaŋ lemeŋ siŋ-dec kêsap tôŋ.
Ma sêmêgôm awa ŋalêsiŋa kêsêp lemeŋ anôŋa e mêŋgêc laŋgwageŋ.

11 Ma aê kasa ŋoc lêŋ tobiŋ masigeŋ.
O Apômtau, ônam aê kêsi to taêm labu aê.
12 Ockaiŋ tec kaka gamêŋ ŋatapa ŋajam tôŋ.
Lau embe sêkac tauŋ sa, oc sêlambiŋ Apômtau. ^{▼▼Dawidnê teŋ.}